Babel
If You Want to be Understood...Listen
Synopsis:
Babel (2006)
IMDB – 7.4
Rotten Tomatoes – 69/100
ဘာသာစကားတွေဟာ လူတွေရဲ့ စိတ်အခြေအနေ
ခံစားချက်တွေကို ဖော်ပြဖို့ တည်ရှိနေတာပါ။
ဒါပေမယ့် တစ်ရံတစ်ခါ အနုပညာမှာဖြစ်ဖြစ်
တကယ့်ဘဝမှာဖြစ်ဖြစ် ကျယ်ပြန့်လှတဲ့
ဘာသာစကားတွေတောင် သူ့ထက်ပိုကျယ်ပြောတဲ့
ခံစားချက်တွေကို စီးကူးသယ်ဆောင်ဖော်ပြဖို့ရာ
မစွမ်းသာတော့ပါဘူး။ ရုပ်ရှင်တစ်ကားကို ညွှန်းဆိုခြင်းမှာ
ဇာတ်လမ်းအကြောင်းအရာထက် ရရှိတဲ့ခံစားမှုက
ပိုပဓာနကျပါတယ်။တစ်ခါတလေ ဘာသာစကားက
ခံစားမှုကို မသယ်ဆောင်နိုင်တဲ့အခါမှာတော့
ရုပ်ရှင်ကရတဲ့ခံစားမှုကို ဖော်ညွှန်းဖို့ မတတ်နိုင်တော့ပါဘူး။
ဆိုတော့ကာ အကြောင်းအရာသက်သက်ကိုပဲ ညွှန်းဆိုပါမယ်။
ဘာဘယ်ဆိုတဲ့ နာမည်ဟာ စာသမားတွေနဲ့ မစိမ်းလှတဲ့
နာမည်ပါပဲ။ သမ္မာကျမ်းစာထဲက ရေလွှမ်းမိုးမှုပြီးတော့
နောဧနောက်ပိုင်းလူတွေဟာ မိုးကောင်းကင်ကို မှီနိုင်မယ့်
မျှော်စင်ကို ဆောက်ဖို့ကြိုးစားခဲ့ကြတယ်။ အဲ့ဒီမျှော်စင်ဟာ
ဘာဘယ်ပါပဲ။ နာမည်ကျော် ဖရန့်ကာဖ်ကာရဲ့
မြို့တော်ရဲ့တံဆိပ်ထဲက လူတွေဆောက်လို့မပြီးကြတဲ့
မျှော်စင်ကြီးဟာ ဘာဘယ်ပါပဲ။ အဲ့ဒီမျှော်စင်ဟာ
နာမည်ကျော် ဘေဘီလုံမှာရှိတယ်။ ဒီရုပ်ရှင်ရဲ့
နာမည်ဖြစ်နေရုံကလွဲပြီး အစအဆုံးမှာ လေသံစိုးစဉ်းမျှ
မကြားရတဲ့ ဒီဘာဘယ်ဆိုတဲ့ မျှော်စင်ကြီးက
ဘာပက်သက်သတုန်းလို့တော့ တွေးမိကြမှာပဲ။
ကမ္ဘာဦးကျမ်းမှာ မြို့တစ်မြို့နဲ့ ဘာဘယ်ဆိုတဲ့
မျှော်စင်ကြီးကို လူတွေ ဆောက်ကြတော့ ဘုရားသခင်က
လူတွေ စည်းလုံးမှုပျက်ပြားပြီး မအောင်မြင်အောင်
သူတို့လျှာကထွက်တဲ့ ဘာသာစကားတွေကို
ကွဲအောင်လုပ်ပြီး နေရာအရပ်ရပ်ကိုပါ ကွဲပြားစေခဲ့တယ်။
ဒီရုပ်ရှင်မှာ နိုင်ငံသုံးနိုင်ငံပါတယ်။
အမေရိကန် ဂျပန် မော်ရိုကို သူတို့ရဲ့ဘာသာစကားတွေ
မတူညီကြဘူး။ ဒါပေမယ့် အဖြစ်အပျက်တစ်ခုဟာ
အဲ့ဒီနိုင်ငံသုံးခုက မိသားစုသုံးခုက ကလေးတွေကို
ချိတ်ဆက်ပေးလိုက်တယ်။ ဒီချိတ်ဆက် မှုဟာ
ကလေးတွေရဲ့ မဆင်မခြင်လုပ်ရပ်တွေနဲ့
ချိတ်ဆက်ထားတယ် ထင်စရာရှိပေမယ့်
ဂျုန်းမိသားစုက ကလေးနှစ်ယောက်ကတော့
ဘာအမှားမှမလုပ်ခဲ့တဲ့အတွက်
ဒီရုပ်ရှင်ရဲ့ ဦးတည်ရာက မိဘတွေကိုပါပဲ။
” ထာဝရဘုရားက၊ ကြည့်ရှုလော့။ လူတမျိုးတည်း။
စကားတမျိုးတည်းရှိသည် ဖြစ်၍၊
သူတို့သည် ဤအမှုကို အဦးပြုကြ၏။
ယခုကြံစည်သမျှတို့ကို အဆီးအတားမရှိ၊
သူတို့ပြုကြလိမ့်မည်။
လာကြ။ ဆင်းသက်ကြကုန်အံ့။
သူတို့သည် အချင်းချင်းနာမလည်စေခြင်းငှာ၊
သူတို့စကားကို ရှုတ်ထွေးကြကုန်အံ့ဟု မိန့်တော်မူ၏။
ထိုသို့ထာဝရဘုရားသည် သူတို့ကို
မြေကြီးတပြင်လုံး၌ အရပ်ရပ်ကွဲပြားစေ တော်မူသဖွငျ့
သူတို့သည်မြို့ကိုမတည်ဘဲ နေကြ၏။ “
ကမ္ဘာဦးကျမ်း ၁၁ ၆ ၇ ၈
ကမ္ဘာဦးကျမ်းအတိုင်းပြောရရင်
ဘုရားသခင်ဟာ လူသားတွေကို ဖန်တီးခဲ့တယ်။
ဘုရားသခင်ဟာ လူသားတွေရဲ့ဖခင်ပါပဲ။
သူဖန်တီးခဲ့တဲ့ သူ့သားသမီးတွေဟာ
ဘုရားသခင်ကို အန်တုဖို့ပြင်ဆင်လာကြတယ်။
ကလေးတွေရဲ့ ဘာသာသဘာဝအသစ်အဆန်းကို
မြင်ရင် စမ်းသပ်ချင်ကြတယ်။ ဒါကို ဘုရားသခင်က
လူသားတွေကို အပြစ်ပေးပြီး ဘာသာစကား
အရပ်ဒေသတို့ ကွဲပြားစေခဲ့တယ်။ ဒီရုပ်ရှင်ကို
ခင်ဗျားကြည့်ပြီးတဲ့ အခါ ဒီကလေးတွေရဲ့
အမှားတွေအတွက် ဘယ်သူ့မှာ တာဝန်ရှိလဲ
ကမ္ဘာဦးက လူတွေရဲ့အမှားအတွက်ရော
ဘယ်သူ့မှာ တာဝန်ရှိသလဲဆိုတာ သိမှာပါ။
ဒီရုပ်ရှင်ဟာ ဒီတစ်လမ်းတည်းတည်းသွားတာတော့
မဟုတ်ပါဘူး။ Brad Pittကိုယ်တိုင်မှာလည်း
ကမ္ဘောဒီးယား အီသီယိုးပီးယားနဲ့ ဗီယက်နမ်က
ကလေးသုံးယောက်ကို မွေးစားထားပါတယ်။
သူ့သွေးရင်းကလေးသုံးယောက်လည်းရှိတယ်။
ဒီရုပ်ရှင်ဟာ ဘရက်ပစ်ရဲ့ကလေးသုံးယောက်နဲ့
လူမျိုးကွဲ ကလေးသုံးယောက်ကို အဓိကပြထားပါတယ်။
တိုက်ဆိုင်မှုဆိုရင်တောင် အတော်ကြီးတဲ့ တိုက်ဆိုင်မှုပါ။
ဒါရိုက်တာ Alejandro G. Iñárrituကလည်း
Revenant တို့ 21 gramsတို့ Birdmanတို့
ရိုက်ထားတဲ့သူပါ။
့
ဘာသာစကားခြောက် မျိုးကိုသုံးသွားပြီး
တစ်ခုသော ဘာသာစကားကတော့
ဆွံ့အနားမကြားကောင်မလေးသုံးတဲ့
Sign Languageပါပဲ။ သေချာတာကတော့
မိဘနဲ့ သားသမီးမှမဟုတ်ပါဘူး။
ဆက်နွယ်ပက်သက်နေတဲ့ လူတွေတိုင်းမှာ
ဘယ်လိုဘာသာစကားကိုပဲသုံးသုံး
ချစ်ခြင်းရဲ့ အရာရာလိုက်လျောမှုသဘောအပေါ်
ခံစားနားလည်မှုမပေါင်းရင် တကယ်တမ်း
ကျွန်တော်တို့ တစ်ဖက်သားကို အပြည့်အဝ
နားလည်နိုင်မှာမဟုတ်ပါဘူး။
ဒီရုပ်ရှင်ဟာ ပင်လယ်သမုဒ္ဒရာကြီးပါပဲ။
ဘာဘယ်မျှော်စင်ကြီးပေါ်က ကြည့်နေရသလို
ကျယ်ပြန့်လှတဲ့ကမ္ဘာထဲက ဘဝတွေကို
ခင်ဗျားမြင်ရမယ်။ ဘယ်မြစ်ကနေပဲသွားသွား
အဆုံးမှာတော့ ဒီရသပင်လယ်ကြီးရဲ့တစ်နေရာကို
ရောက်သွားမှာပါပဲ။ ပင်လယ်နီလား ပင်လယ်ဝါလား
ဘယ်ပင်လယ်ထဲရောက်သွားမလဲဆိုတာတော့
ခင်ဗျားအပေါ်ပဲမူတည်ပါတယ်။
( အညွှန်းနဲ့ဘာသာပြန်သူကတော့ WiRa Aung ဖြစ်ပါတယ် )
[Zawgyi]
Babel (2006)
IMDB – 7.4
Rotten Tomatoes – 69/100
ဘာသာစကားေတြဟာ လူေတြရဲ႕ စိတ္အေျခအေန
ခံစားခ်က္ေတြကို ေဖာ္ျပဖို႔ တည္ရွိေနတာပါ။
ဒါေပမယ့္ တစ္ရံတစ္ခါ အႏုပညာမွာျဖစ္ျဖစ္
တကယ့္ဘ၀မွာျဖစ္ျဖစ္ က်ယ္ျပန႔္လွတဲ့
ဘာသာစကားေတြေတာင္ သူ႔ထက္ပိုက်ယ္ေျပာတဲ့
ခံစားခ်က္ေတြကို စီးကူးသယ္ေဆာင္ေဖာ္ျပဖို႔ရာ
မစြမ္းသာေတာ့ပါဘူး။ ႐ုပ္ရွင္တစ္ကားကို ၫႊန္းဆိုျခင္းမွာ
ဇာတ္လမ္းအေၾကာင္းအရာထက္ ရရွိတဲ့ခံစားမႈက
ပိုပဓာနက်ပါတယ္။တစ္ခါတေလ ဘာသာစကားက
ခံစားမႈကို မသယ္ေဆာင္ႏိုင္တဲ့အခါမွာေတာ့
႐ုပ္ရွင္ကရတဲ့ခံစားမႈကို ေဖာ္ၫႊန္းဖို႔ မတတ္ႏိုင္ေတာ့ပါဘူး။
ဆိုေတာ့ကာ အေၾကာင္းအရာသက္သက္ကိုပဲ ၫႊန္းဆိုပါမယ္။
ဘာဘယ္ဆိုတဲ့ နာမည္ဟာ စာသမားေတြနဲ႔ မစိမ္းလွတဲ့
နာမည္ပါပဲ။ သမၼာက်မ္းစာထဲက ေရလႊမ္းမိုးမႈၿပီးေတာ့
ေနာဧေနာက္ပိုင္းလူေတြဟာ မိုးေကာင္းကင္ကို မွီႏိုင္မယ့္
ေမွ်ာ္စင္ကို ေဆာက္ဖို႔ႀကိဳးစားခဲ့ၾကတယ္။ အဲ့ဒီေမွ်ာ္စင္ဟာ
ဘာဘယ္ပါပဲ။ နာမည္ေက်ာ္ ဖရန႔္ကာဖ္ကာရဲ႕
ၿမိဳ႕ေတာ္ရဲ႕တံဆိပ္ထဲက လူေတြေဆာက္လို႔မၿပီးၾကတဲ့
ေမွ်ာ္စင္ႀကီးဟာ ဘာဘယ္ပါပဲ။ အဲ့ဒီေမွ်ာ္စင္ဟာ
နာမည္ေက်ာ္ ေဘဘီလုံမွာရွိတယ္။ ဒီ႐ုပ္ရွင္ရဲ႕
နာမည္ျဖစ္ေန႐ုံကလြဲၿပီး အစအဆုံးမွာ ေလသံစိုးစဥ္းမွ်
မၾကားရတဲ့ ဒီဘာဘယ္ဆိုတဲ့ ေမွ်ာ္စင္ႀကီးက
ဘာပက္သက္သတုန္းလို႔ေတာ့ ေတြးမိၾကမွာပဲ။
ကမာၻဦးက်မ္းမွာ ၿမိဳ႕တစ္ၿမိဳ႕နဲ႔ ဘာဘယ္ဆိုတဲ့
ေမွ်ာ္စင္ႀကီးကို လူေတြ ေဆာက္ၾကေတာ့ ဘုရားသခင္က
လူေတြ စည္းလုံးမႈပ်က္ျပားၿပီး မေအာင္ျမင္ေအာင္
သူတို႔လွ်ာကထြက္တဲ့ ဘာသာစကားေတြကို
ကြဲေအာင္လုပ္ၿပီး ေနရာအရပ္ရပ္ကိုပါ ကြဲျပားေစခဲ့တယ္။
ဒီ႐ုပ္ရွင္မွာ ႏိုင္ငံသုံးႏိုင္ငံပါတယ္။
အေမရိကန္ ဂ်ပန္ ေမာ္႐ိုကို သူတို႔ရဲ႕ဘာသာစကားေတြ
မတူညီၾကဘူး။ ဒါေပမယ့္ အျဖစ္အပ်က္တစ္ခုဟာ
အဲ့ဒီႏိုင္ငံသုံးခုက မိသားစုသုံးခုက ကေလးေတြကို
ခ်ိတ္ဆက္ေပးလိုက္တယ္။ ဒီခ်ိတ္ဆက္ မႈဟာ
ကေလးေတြရဲ႕ မဆင္မျခင္လုပ္ရပ္ေတြနဲ႔
ခ်ိတ္ဆက္ထားတယ္ ထင္စရာရွိေပမယ့္
ဂ်ဳန္းမိသားစုက ကေလးႏွစ္ေယာက္ကေတာ့
ဘာအမွားမွမလုပ္ခဲ့တဲ့အတြက္
ဒီ႐ုပ္ရွင္ရဲ႕ ဦးတည္ရာက မိဘေတြကိုပါပဲ။
” ထာဝရဘုရားက၊ ၾကည့္ရႈေလာ့။ လူတမ်ိဳးတည္း။
စကားတမ်ိဳးတည္းရွိသည္ ျဖစ္၍၊
သူတို႔သည္ ဤအမႈကို အဦးျပဳၾက၏။
ယခုႀကံစည္သမွ်တို႔ကို အဆီးအတားမရွိ၊
သူတို႔ျပဳၾကလိမ့္မည္။
လာၾက။ ဆင္းသက္ၾကကုန္အံ့။
သူတို႔သည္ အခ်င္းခ်င္းနာမလည္ေစျခင္းငွာ၊
သူတို႔စကားကို ရႈတ္ေထြးၾကကုန္အံ့ဟု မိန္႔ေတာ္မူ၏။
ထိုသို႔ထာဝရဘုရားသည္ သူတို႔ကို
ေျမႀကီးတျပင္လုံး၌ အရပ္ရပ္ကြဲျပားေစ ေတာ္မူသဖြင်႕
သူတို႔သည္ၿမိဳ႕ကိုမတည္ဘဲ ေနၾက၏။ “
ကမာၻဦးက်မ္း ၁၁ ၆ ၇ ၈
ကမာၻဦးက်မ္းအတိုင္းေျပာရရင္
ဘုရားသခင္ဟာ လူသားေတြကို ဖန္တီးခဲ့တယ္။
ဘုရားသခင္ဟာ လူသားေတြရဲ႕ဖခင္ပါပဲ။
သူဖန္တီးခဲ့တဲ့ သူ႔သားသမီးေတြဟာ
ဘုရားသခင္ကို အန္တုဖို႔ျပင္ဆင္လာၾကတယ္။
ကေလးေတြရဲ႕ ဘာသာသဘာ၀အသစ္အဆန္းကို
ျမင္ရင္ စမ္းသပ္ခ်င္ၾကတယ္။ ဒါကို ဘုရားသခင္က
လူသားေတြကို အျပစ္ေပးၿပီး ဘာသာစကား
အရပ္ေဒသတို႔ ကြဲျပားေစခဲ့တယ္။ ဒီ႐ုပ္ရွင္ကို
ခင္ဗ်ားၾကည့္ၿပီးတဲ့ အခါ ဒီကေလးေတြရဲ႕
အမွားေတြအတြက္ ဘယ္သူ႔မွာ တာ၀န္ရွိလဲ
ကမာၻဦးက လူေတြရဲ႕အမွားအတြက္ေရာ
ဘယ္သူ႔မွာ တာ၀န္ရွိသလဲဆိုတာ သိမွာပါ။
ဒီ႐ုပ္ရွင္ဟာ ဒီတစ္လမ္းတည္းတည္းသြားတာေတာ့
မဟုတ္ပါဘူး။ Brad Pittကိုယ္တိုင္မွာလည္း
ကေမာၻဒီးယား အီသီယိုးပီးယားနဲ႔ ဗီယက္နမ္က
ကေလးသုံးေယာက္ကို ေမြးစားထားပါတယ္။
သူ႔ေသြးရင္းကေလးသုံးေယာက္လည္းရွိတယ္။
ဒီ႐ုပ္ရွင္ဟာ ဘရက္ပစ္ရဲ႕ကေလးသုံးေယာက္နဲ႔
လူမ်ိဳးကြဲ ကေလးသုံးေယာက္ကို အဓိကျပထားပါတယ္။
တိုက္ဆိုင္မႈဆိုရင္ေတာင္ အေတာ္ႀကီးတဲ့ တိုက္ဆိုင္မႈပါ။
ဒါ႐ိုက္တာ Alejandro G. Iñárrituကလည္း
Revenant တို႔ 21 gramsတို႔ Birdmanတို႔
႐ိုက္ထားတဲ့သူပါ။
့
ဘာသာစကားေျခာက္ မ်ိဳးကိုသုံးသြားၿပီး
တစ္ခုေသာ ဘာသာစကားကေတာ့
ဆြံ႕အနားမၾကားေကာင္မေလးသုံးတဲ့
Sign Languageပါပဲ။ ေသခ်ာတာကေတာ့
မိဘနဲ႔ သားသမီးမွမဟုတ္ပါဘူး။
ဆက္ႏြယ္ပက္သက္ေနတဲ့ လူေတြတိုင္းမွာ
ဘယ္လိုဘာသာစကားကိုပဲသုံးသုံး
ခ်စ္ျခင္းရဲ႕ အရာရာလိုက္ေလ်ာမႈသေဘာအေပၚ
ခံစားနားလည္မႈမေပါင္းရင္ တကယ္တမ္း
ကြၽန္ေတာ္တို႔ တစ္ဖက္သားကို အျပည့္အ၀
နားလည္ႏိုင္မွာမဟုတ္ပါဘူး။
ဒီ႐ုပ္ရွင္ဟာ ပင္လယ္သမုဒၵရာႀကီးပါပဲ။
ဘာဘယ္ေမွ်ာ္စင္ႀကီးေပၚက ၾကည့္ေနရသလို
က်ယ္ျပန႔္လွတဲ့ကမာၻထဲက ဘ၀ေတြကို
ခင္ဗ်ားျမင္ရမယ္။ ဘယ္ျမစ္ကေနပဲသြားသြား
အဆုံးမွာေတာ့ ဒီရသပင္လယ္ႀကီးရဲ႕တစ္ေနရာကို
ေရာက္သြားမွာပါပဲ။ ပင္လယ္နီလား ပင္လယ္ဝါလား
ဘယ္ပင္လယ္ထဲေရာက္သြားမလဲဆိုတာေတာ့
ခင္ဗ်ားအေပၚပဲမူတည္ပါတယ္။