Barefoot Gen (1983)
Old but Gold ကားကောင်းလေးနဲ့ မိတ်ဆက်ပေးမယ်နော်။ တကယ့်ကို ကြည့်လို့ကောင်းတဲ့ကားဆိုတာထက် ပိုပါတယ်။Imdb rating လည်း 8/10တောင် ရရှိထားတဲ့ ကားလးတစ်ကားပါ။
ဟီရိုရှီးမားဗုံးကြဲခံရတဲ့ကိစ္စလို့ပြောလိုက်ရင် မသိတဲ့သူ မရှိသလောက်ပါပဲ။
ဟုတ်ပါတယ် ဒီကားကတော့ 1945 ခုနှစ်က ဟီရိုရှီးမား ဗုံးကြဲခံရတဲ့ ဖြစ်ရပ်ကို အခြေခံရိုက်ထားတဲ့ ကားလေးပဲဖြစ်ပါတယ်။ ဒီကားမှာတော့ သနားစရာ မိသားစုအကြောင်းကို မြင်တွေ့ရမှာပါ။
အဲ့ဒီ ဗုံးပေါက်ကွဲမှုရဲ့ အကျိုးဆက်ကို ခံစားခဲ့ရတဲ့ ဂျပန်ပြည်သူပြည်သားတွေရဲ့ ဘဝကို ထင်ဟပ်ပြထားတာမို့ အရမ်းဝမ်းနည်းစရာ မြင်ကွင်းတွေကိုပါ တွေ့မြင်ခံစားရမှာပါ။
ဇာတ်လမ်းကတော့ ဆင်းရဲသား မိသားစု 5 ယောက်ရဲ့ ဘဝကို အဓိက ရိုက်ကူးထားတာပါ။ မိသားစု 5 ယောက်ဆိုပေမယ့် မိခင်ဖြစ်သူက ကိုယ်ဝန်မိခင်တစ်ယောက် ဖြစ်ပါတယ်။
ဟီရိုရှီးမား ဗုံးကြဲခံထိတော့ ဖခင်ရယ်၊ သားသမီး နှစ်ယောက်က သေဆုံးသွားကြတယ်။ မိခင်ဖြစ်သူနဲ့ ဂျန်ပဲ ကျန်ခဲ့ပါတယ်။
သားအမိနှစ်ယောက် ဗုံးကြဲခံထိထားတဲ့ မြို့မှာ ဘယ်လိုအခက်အခဲတွေကို ကြုံရမလဲ၊ သူတို့သားအမိ ရင်ဆိုင်နိုင်ပါ့မလားဆိုတာကို ဝမ်းနည်းဖွယ် မြင်တွေ့ရမှာပါ။
ထိုစစ်ကာလမှာ သူတို့မိသားစုလိုပဲ တခြားသော မိသားစုပေါင်းများစွာကလည်း စစ်ဒဏ်၊ဗုံးရဲ့ ဒဏ်ကို အလူးအလိမ့်ခံစားခဲ့ရမယ်ဆိုတာ မှန်းဆနိုင်ပါတယ်။
စိတ် မကောင်းဖြစ်မိတာ အမှန်ပါ။
Leave a Reply