Blood Vessel (2020)
ဒုတိယကမ္ဘာစစ်အပြီး ၁၉၄၅ ခုနစ်နှောင်းပိုင်း အခြေအနေကို အခြေခံပြီးရိုက်ကူးထားတဲ့ Horror ဇာတ်ကားကောင်းလေးပါ
နိုင်ငံအနှံ့မှာစစ်ဖြစ်ခဲ့တဲ့အတွက် လူမျိုးစုံ အသွင်မျိုးစုံပါဝင်တဲ့ စစ်ပြေးအုပ်စုတစ်စုဟာ မြောက်အတ္တလန္တိတ်သမုဒ္ဒရာ မှာသောင်တင်နေခဲ့တယ်။ အဲ့ဒီချိန်မှာ ဂျာမန်စစ်သင်္ဘောတစ်စီးဟာ သူတို့ဆီဦးတည်ကာ သမုဒ္ဒရာရေပြင်ပေါ် ခုတ်မောင်းလာခဲ့ပါတယ်။
သူတို့ဟာ စားစရာဝတ်စရာရလို့ရငြားဆိုတဲ့အတွေးနဲ့ အဲ့သင်္ဘောပေါ်ကို တက်ခဲ့ပါတယ်။ တကယ်တော့ အဲ့သင်္ဘောဟာ နှစ်တော်တော်ကြာ ရေပြင်မှာမျောနေတဲ့ သင်္ဘောကြီး ဖြစ်ပြီး ကုန်းပတ်ပေါ်မှာလည်း လူသူမရှိဖြစ်နေခဲ့တာပါ။
သင်္ဘောပေါ်တက်ပြီး ဟိုဟို ဒီဒီသွားရှာကြည့်ကြတဲ့အခါ ထူးဆန်းစွာသေနေတဲ့ လူသေအလောင်းတွေကို တွေ့ရပါတော့တယ်။နောက်တော့ ကလေးမလေးတစ်ယောက်ကို ကပ္ပတိန် ပဲ့ထိန်းတဲ့အခန်းမှာ ရှာတွေ့ခဲ့ပါတယ်။
အဲ့ကလေးမက ပရတ်စ်ကော့ ဆိုသောအမျိုးသမီးရဲ့ လက်ကို စစတွေ့ချင်း ရုတ်တရက်လှမ်းကိုက်လိုက်ပါတော့တယ်။ အဲ့ကလေးမလေးက ဘယ်သူလဲ။
ဘာလို့ ဒီသင်္ဘောပေါ်မှာ တစ်ယောက်တည်း ရှိနေရတာလဲ။ သင်္ဘောသားတွေကကော ဘယ်လိုတွေဖြစ်ခဲ့ပြီး သေခဲ့ရတာလဲ။ ခုနက အကိုက်ခံလိုက်ရတဲ့ မိန်းမကကော ဘယ်လိုဖြစ်သွားမလဲ။
Blood Vessel ဆိုသည့်အတိုင်း သွေးလွှမ်းနေတဲ့ သင်္ဘောကြီးမှာ ဒီစစ်ပြေးအုပ်စု ဟာနောက်ထပ် ဘယ်လိုအန္တရာယ်တွေ အခြေအနေတွေ ရင်ဆိုင်ရမလဲဆိုတာကို ကိုယ်တိုင်သာ ကြည့်ရှုလိုက်ပါနော်။ တကယ့်ကို စိတ်လှုပ်ရှားစရာကောင်းပြီး မထင်မှတ်ထားတဲ့ ဇာတ်လမ်းဇာတ်ကွက် တွေကို မြင်တွေ့ရမှာ အသေချာပါပဲ။
Leave a Reply