Clouds
Don't wait for tomorrow to live for today
Synopsis:
Clouds (2020)
===================
October 16 ရက်နေ့ကမှ ထွက်ရှိထားတဲ့ ဇာတ်ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားလေးကတော့ Zach ဆိုတဲ့ကောင်လေးရဲ့ ဝမ်းနည်းဖွယ် ဘဝအကြောင်းကို အဓိကထားရိုက်ကူးထားတာပါ။ ဇာတ်လမ်းကြာမြင့်ချိန်က ၂ နာရီ ဖြစ်တာမို့ ဒီဇာတ်ကားလေးကို ကြည့်နေတဲ့အချိန်အတွင်းမှာ ပျော်ရွှင်မှု ဝမ်းနည်းမှုစတဲ့ ရသနှစ်မျိုးလုံးကို ခံစားရမှာပါ။
Zach ဟာ အရိုးကင်ဆာရောဂါ ခံစားနေရတဲ့အထက်တန်းကျောင်းသားတစ်ယောက်ပါ၊ ကင်ဆာရောဂါဒဏ်ကြောင့် သူ့ခေါင်းမှာ ဆံပင်လဲမရှိပါဘူး၊ ခြေထောက်တွေကလည်း မသန်တဲ့အတွက် ချိုင်းထောက်နဲ့ ကျောင်းတတ်ရပါတယ်။ Sammy ကတော့သူ့ရဲ့အချစ်ဆုံးသူငယ်ချင်းပါ၊ သူတို့နှစ်ယောက်စလုံး သီချင်းဆိုရတာကို ဝါသနာပါကြတယ်၊ တစ်နေ့မှာ Zach ရဲ့ရောဂါ ပြန်ဖောက်လာလို့ ဆေးရုံသွားပြတဲ့အခါမှာတော့ သူ့ရဲ့ကင်ဆာရောဂါ နောက်ဆုံးအဆင့်ကိုရောက်နေပြီဆိုတာ သိလိုက်ရပါတယ်။
ဆရာဝန်တွေက ၇ လလောက်ဘဲ အသက်ရှင်ဖို့အာမခံနိုင်မယ်လို့ ပြောတဲ့အခါမှာတော့ Zach အရမ်းဝမ်းနည်းခဲ့တယ်။ သူ့ချစ်သူ Amy အပါအဝင် မိသားစုဝင်တွေရော သူငယ်ချင်းတွေရော သူ့အတွက် စိတ်မကောင်းဖြစ်ကြတယ်၊ သေရတော့မှာကို သိနေတဲ့ Zachဟာ သူ့ရဲ့ကျန်ရှိတဲ့အချိန်လေးအတွင်းမှာ အောင်မြင်တဲ့တေးရေးဆရာတစ်ယောက်ဖြစ်အောင် ဘယ်လိုကြိုးစားသွားလဲ သူ့မိသားစုနဲ့ သူငယ်ချင်းတွေကရော သူ့ကို ဘယ်လိုအကောင်းဆုံးပံ့ပိုးပေးလိုက်လဲဆိုတာ ဒီဇာတ်ကားလေးထဲမှာ ကြည့်ရှုခံစားလိုက်ကြပါဦးနော်။