Enemy (2013)
You can’t escape Yourself!
Synopsis:
ရုပ်ရှင် တော်တော်များများမှာ အဖက်ဖက်က ပြည့်စုံဖို့ဆိုတာ အတော်ခဲယဥ်းတဲ့ ကိစ္စ။ ခဲယဉ်းတယ် ဆိုတာထက် မရှိသလောက် ရှားတယ်လို့ ပြောရမယ်။ ကောင်းပေ့ဆိုတဲ့ ဇာတ်ကားကြီးတွေမှာတောင် မပါမဖြစ် မဟုတ်ဘဲ ပိုနေတဲ့ Scene တွေ၊ Dialogue တွေ အပြင် တမင်ကြီး ကြားကောင်းမယ့် Quote တွေ ပါနေတတ် သလိုပေါ့။
ဒါပေမယ့်လို့ ဒီဇာတ်ကားမှာကျ Scene တိုင်း၊ Dialogue တိုင်းက သူ့အခန်းကဏ္ဍနဲ့သူ အဓိပ္ပာယ်ရှိရှိ၊ ထိထိရောက်ရောက်၊ အပိုလိုမရှိ ကွက်တိ နေရာယူထားကြတယ်။ ပြောရမယ်ဆိုရင် ဒါရိုက်တာက ဒီဇာတ်ကားမှာ အတော်ပညာပြထားတယ်လို့ ပြောရမယ်။ “ငါဘာကောင်လဲ သိချင်ရင် ဒီကားကိုကြည့်လိုက်” ဆိုတဲ့ ပုံစံမျိုးပေ့ါ။ သေချာကြည့်ရင် ကြည့်သလောက် ဘယ်လောက်ထိ အသေးစိတ် ဂရုစိုက်ထားတယ်ဆိုတာ တွေ့နိုင်တယ်။ (Adam ကြည့်မိတဲ့ ရုပ်ရှင်ထဲက ဇာတ်ကောင်တစ်ယောက်ရဲ့ နက်ကတိုင်မှာ ပင့်ကူအိမ်ပုံလေး ပါနေသလိုမျိုးတွေပေ့ါ။)
ဒီကားမှာ သဘောအကျဆုံးက Cinematography နဲ့ Director ပဲ။ သုံးထားတဲ့ အရောင်နဲ့ Camera movement တွေက တော်တော်ကြီးကို အနှစ်ကျတယ်။ ပြီးတော့ ဒီဇာတ်ကားက ဒါရိုက်တာ Denis Villeneuve ရဲ့ Masterpiece လို့တောင် ပြောလို့ရတယ်။ စစချင်း အခန်းမှာ ဝင်လာတဲ့ Voiceover ကစလို့ ဇာတ်သိမ်းခန်းထိ တစ်ခန်းမှ ပြစ်ရက်စရာ မရှိဘူး။
အဓိကဇာတ်ကောင်တွေ အနေနဲ့ Jake Gyllenhaal နဲ့ Sarah Gadon တို့က သရုပ်ဆောင်ထားတယ်။ နှစ်ယောက်လုံး အပြစ်ပြောစရာမရှိအောင် ကောင်းပါတယ်။ စာအုပ်နဲ့ ရုပ်ရှင်မှာ စာအုပ်က ပတ်ဝန်းကျင်နဲ့ စိတ်နေစိတ်ထားတွေကို ရှင်းရှင်းလင်းလင်း ဖော်ပြနိုင်လို့ စာအုပ်ကို ရုပ်ရှင်တွေက လိုက်မမှီကြဘူးဆိုတဲ့ လူတစ်ချို့ရဲ့ အယူအတွေဟာ မှားကြောင်း ဒီဇာတ်ကားက သက်သေပြနေတယ်။ သရုပ်ဆောင်တွေရဲ့ အိုဗာမဖြစ်တဲ့ မျက်နှာအမူအယာတွေနဲ့ ကျွမ်းကျင်သေသပ်တဲ့ Cinematographer ရဲ့ Color တွေနဲ့ Camera movement တို့ ပေါင်းစပ်လိုက်တဲ့အခါမှာ Scene တိုင်းဟာ စိတ်နဲ့တစ်သားတည်း ဖြစ်ရတယ်။
Genre က Thriller, Mystery ဖြစ်တဲ့အလျောက် နောက်ဆုံးမှာ ဖြည်မချသွားပေမယ့် ခေါင်းထဲမှာ အစီစဉ်တကျ ခံစားလိုက်ရတဲ့ အရသာဟာ အတော်သဘောခွေ့စရာပါပဲ။
ဘယ်လိုပဲဖြစ်ဖြစ် ဒီဇာတ်ကားဟာ ဇာတ်ကားကောင်း တစ်ကားဆိုတာထက် ပိုတယ် ဆိုတာေတာ့ ငြင်းနိုင်ကြမယ်မထင်ဘူး။ ကျွန်တော့်အတွက်တော့ (ကျွန်တော် ကြည့်ဖူးသမျှထဲမှာ ) Underrated အဖြစ်ဆုံးရုပ်ရှင်ပါပဲ။
ဇာတ်လမ်းလေးမှာ..အဒမ်ဆိုတဲ့ သမိုင်းသင်တဲ့ ကျောင်းဆရာတစ်ယောင်ရှိတယ် သူ့ဘ၀က စာသင်လိုက် အိမ်ပြန်လာလိုက်နဲ့ခြောက်ခြောက်သွေ့သွေ့ ကြီးပေါ့..တစ်နေ့မှာ လူတစ်ယောက်က သူ့ကို ရုပ်ရှင် သရုပ်ဆောင်မလား ဆိုပြီး လာမေးတော့ သူအံ့သြသွားပြီး..အဲ့ဒီလူနဲ့ စကားပြောဖြစ်ရင်းရုပ်ရှင်ကြည့်တဲ့အကြောင်းတွေ စကားစပ်မိရင်းကနေ “လိုလျှင်ကြံဆနည်းလမ်းရ”ဆိုတဲ့ ရုပ်ရှင်ကို အဲ့ဒီလူက ညွှန်းလိုက်တယ်..အဲ့တာနဲ့ ရုပ်ရှင်မကြိုက်တဲ့ အဒမ်ဟာ အခွေဆိုင်က နေအဲ့ကားငှားပြီး ကြည့်ကြည့်တာပေါ့ အဲ့ဒီမှာ စတွေ့တော့တာပဲ..အဲ့ရုပ်ရှင်ထဲက ရုပ်ရှင်သရုပ်ဆောင် တစ်ယောက်က သူနဲ့ လုံး၀ကို တူတဲ့ တစ်ယောက်ဖြစ်နေတယ်….အဲ့တာနဲ့ သူလဲ အဲ့ဒီရုပ်ရှင် သရုပ်ဆောင် နောက်ကို ခြေရာခံလိုက်တော့တယ်..အဲ့လိုခြေရာခံရင်းကနေ ဘယ်လို အကြောင်းတရားတွေ ဆက်ဖြစ်လာမှာလည်း ဆိုတာ ကြည့်ရှုပေးကြပါဦး…
Review – Aye Htut Ko
File Size – 1.3GB
Format…mp4
Quality : 1080p Blu-ray
Duration…
Genre :Drama, Mystery, Thriller
Subtitle : Myanmar Subtitle (Hard Sub)
Translated by Aye Htut Ko
Encoded by Arrow
Director
Denis Villeneuve
Stars
Isabella Rossellini, Jake Gyllenhaal, Mélanie Laurent, Sarah Gadon
Awards
17 wins & 23 nominations.
Country
Canada, Spain, France
Revenue
USD $3 396 726,00