King of Prison (2020)
Synopsis:
ဒီကားကတော့ထောင်အက်ရှင်ဖိုက်တင်ကား
ကြိုက်နှစ်သက်တဲ့ပရိတ်သတ်ကြီးအတွက်
တင်ဆက်ပေးထားတာဖြစ်ပြီး
ဇာတ်လမ်းလေးကလည်းကောင်းပါတယ်။
မင်းသားတွေကနာမည်ကြီးတွေမပါဖူးဆိုပေမယ့်
သရုပ်ဆောင်ချက်တွေကသဘာဝကျပြီးတော့
ထောင်တွင်းဇာတ်လမ်းစိတ်ဝင်စားတဲ့သူတွေအတွက်
ကြည့်ပျော်တဲ့ဇာတ်ကားကောင်းလေးတစ်ကားဖြစ်ပါတယ်။
ဇာတ်လမ်းအကျဉ်းကတော့ ထောင်ထဲမှာသူနေရာ သူအဆင့်နဲ့သူ
ထိပ်သီးလူဆိုးတွေဆိုတာရှိကြပါတယ်။ဒီလူဆိုးတွေအချင်းချင်းဖြစ်ကြတဲ့
ရန်ပွဲတွေအကြောင်းကိုဇာတ်လမ်းအဓိကဆင်ပေးထားတာပါ။
ထောင်ဆိုတာကဘုမသိဘမသိနဲ့ မတရားခံရပြီးရောက်လာတဲ့သူတွေလည်းရှိသလို
တကယ်ဆိုးမိုက်ပေတေလို့ထောင်နန်းစံနေရသူလည်းရှိပါတယ်။
ဇာတ်လမ်းကိုကောင်လေး တစ်ယောက် မတရားခံရပြီး
ထောင်ထဲကိုရောက်လာချိန်တွေ့ကြုံရတဲ့ အခက်အခဲ
အဖြစ်အပျက်လေးတွေနဲ့အစပျိုးထားပါတယ်။
စားသောက်ဆိုင်ပိုင်ရှင်သားဖြစ်သူအီမန်အီဆိုတဲ့
ကောင်လေးက သူအဖေကိုအကြွေးတောင်းတဲ့လူဆိုးတွေကနှိပ်စက်လို့
ဓါးကိုင်ပြီး ဝင်ကယ်ရာကနေ ထောင်ထဲကိုလူသတ်ရန်
ကြံစည်လို့ဆိုပြီးရောက်လာခဲ့ပါတယ်။
ဒီထဲရောက်ထဲအခါမှာသူထက်ဆရာကျပြီး ဆိုးတဲ့မိုက်တဲ့သူတွေထားတဲ့
အကြမ်းဖက်မှုအခန်းမှာသူနေရပါတယ်။
အခန်းမှာတကယ့်ထောင်တွင်းလူမိုက်ဆရာကြီးထိပ်သီးတွေလည်း
နေကြပါတယ်။
အဲ့လိုနေစဉ်ကာလအတွင်းသူကြုံတွေ့ရတဲ့ပင်ပန်းဆင်းရဲမှုတွေ၊ထောင်တွင်း
အနိုင်အထက်ပြုတာတွေနဲ့ လူဆိုးလူမိုက်တွေတောင်တစ်ခန်းတည်းတူတူနေရင်
သံယောဇဉ်ဖြစ်သွားနိုင်တယ်ဆိုတဲ့အကြောင်းလေးကို
ဇာတ်လမ်းလေးနဲ့တင်ဆက်ထားပါတယ်။
ကိုရီးယားကားထုံးစံအတိုင်း Action သီးသန့်မဟုတ်ပဲ
ဇာတ်လမ်း ဇာတ်အိမ်လေးနဲ့ drama လေးနှောပြီးကြည့်ကောင်းအောင်သွားပေးထားလို့
Action/Drama ကြိုက်တဲ့ပရိတ်သတ်ကြီးအတွက်
ကြည့်ကောင်းမယ့်ကားလေးတစ်ကားဖြစ်တယ်လို့လည်း ညွှန်းချင်ပါတယ်။
Warning: number_format() expects parameter 1 to be float, string given in /home/alphhehb/public_html/wp-content/themes/grifus4.0.1/includes/single/movies_print.php on line 104
Warning: number_format() expects parameter 1 to be float, string given in /home/alphhehb/public_html/wp-content/themes/grifus4.0.1/includes/single/movies_print.php on line 110