Teenage Bounty Hunters

Synopsis of Teenage Bounty Hunters

Teenage Bounty Hunters (2020)
================================

Bounty Hunters ဆိုတဲ့ စကားလုံးကို ကြားဖူးလား။ Bounty Hunters ဆိုတာက ​​ပြောရရင် လူဆိုးဖမ်းတာမျိုး​​ပေါ့။ လူဆိုးကိုသွားဖမ်းမယ် ဆု​ကြေး​ငွေရမယ်​ပေါ့။ အဲ့လိုသ​ဘောမျိုးပါ။ ဟုတ်ပြီ ဇာတ်ကားနာမည်​လေးနဲ့စလိုက်မယ် Teenage Bounty Hunters။ ဘာလဲ​ပေါ့။ ဆယ်​ကျော်သက်​တွေက လူဆိုး​တွေကိုလိုက်ဖမ်းမှာလား​​ပေါ့။ ပိုစတာမှာကလဲ ​ကောင်မ​လေးနှစ်​ယောက်ပဲပါတယ်။ ဒီနှစ်​ယောက်ကဖမ်းမှာလား​ပေါ့။ ဟုတ်ပါတယ် ချစ်ဖို့ကောင်းတဲ့ ဒီကောင်မလေးနှစ်​ယောက်ကပဲဖမ်းကြမှာပါ။

Teenage Bounty Hunters ကို​တော့ 2020 August 14 ရက်​နေ့မှာ Netflix က​နေ ထုတ်လွှင့်ခဲ့ပြီး​တော့ အပိုင်းအ​နေနဲ့ 10 ပိုင်းပါရှိပါတယ်။ တစ်ပိုင်းကို မိနစ် ၅၀ ဝန်းကျင်ကြာမြင့်မှာဖြစ်ပါတယ်။ Teenage Bounty Hunters ကို​တော့ Casting Director တစ်​ယောက်ဖြစ်တဲ့ Kathleen Jordan က​နေမှ ဖန်တီးထားတာဖြစ်ပါတယ်။

ဇာတ်​​ကောင်နှစ်​ယောက်ဖြစ်တဲ့ Maddie Phillips နဲ့ Anjelica Bette Fellini တို့က​တော့ ဒီဇာတ်လမ်းတွဲမှာမှစပြီး ပွဲဦးထွက်ကြတဲ့သူ​တွေ​ပါ။ သူတို့အ​ပြင်​နောက်ထပ် ဇာတ်​​ကောင်တစ်​ယောက်လဲရှိပါ​သေးတယ်။ ​Bowser အဖြစ်သရုပ်​ဆောင်တဲ့ Kadeen Hardison ပဲဖြစ်ပါတယ်။ Kadeen ဟာဆိုရင် အ​မေရိကန်လူမည်းသရုပ်​ဆောင်တစ်​ယောက်ဖြစ်ပြီး A Different World ဆိုတဲ့ TvSeries နဲ့ နာမည်ရထားသူတစ်​ယောက်ပါ။ ​နောက်ထပ် တခြားရုပ်ရှင်​ပေါင်း​မြောက်မြားစွာမှာလဲ ပါဝင်သရုပ်​ဆောင်ထားဖူးသူတစ်​ယောက်ပါ။

အမွှာနှစ်​ယောက်က သူတို့အ​ဖေရဲ့ ထရပ်ကားကို တိုက်ပစ်လိုက်ပြီးတဲ့ အချိန်မှာ​တော့ အမွှာနှစ်​ယောက်က ကားပြင်စားရိတ်ကိုရှာရပါ​တော့တယ်။ အဲ့ဒီက​နေစပြီး​တော့ Bowser ဆိုတဲ့ လူဆီမှာ လူဆိုး​တွေကို လိုက်ဖမ်းပြီး ကားပြင်စားရိတ်ကို ရှာရပါ​တော့တယ်။ Bowser က အမွှာနှစ်​ယောက်အတွက် ဆရာလိုပုံစံမျိုးပါ။ အမွှာနှစ်​ယောက်အ​နေမှာ သရုပ်​ဆောင်ကြတဲ့ သရုပ်​ဆောင်​တွေက အသစ်​တွေဖြစ်​ပေမဲ့ ​ကြောင်​တောင်​တောင်မဖြစ်​နေပဲ တစ်​ယောက်​နဲ့တစ်​ယောက် အချိတ်အဆက်မိ​နေတာကို​တွေ့ရပါတယ်။ Trailer မှာ မြင်ကြမဲ့အတိုင်းပဲ ​ဆယ်​ကျော်သက်​တွေပီပီ သွက်သွက်လက်လက်မ​ကြောက်မရွံ့နဲ့ လူဆိုးလိုက်ဖမ်း​နေကြတာပါ။

အစပိုင်းမှာ​တော့ ဇာတ်​ကောင်​တွေနဲ့ ရင်းနှီး​အောင်လို့ အချိန်အရမ်းဆွဲထားသလိုဖြစ်​နေပြီး​တော့ ​နောက်ပိုင်းကျရင်​တော့ ​ပေါ့​ပေါ့ပါးပါးနဲ့ ​နောက်ထပ်လာမဲ့ အပိုင်း​တွေအတွက် အစီအစဥ်​တွေ​သေချာချထားတာကို​တွေ့ရမှာပါ။ စကားလုံးအသုံးအနှုန်းနဲ့ ဇာတ်ကွက်တစ်ချို့က​တော့ က​လေး​တွေကြည့်ဖို့ သိပ်အဆင်မ​ပြေတာကိုလဲ ထည့်​ပြောပါရ​စေ။ IMDb မှာလဲ 7.5 အထိရထားတာဖြစ်လို့ ​ပေါ့​ပေါ့ပါးပါးနဲ့ အ​သေရယ်ချင်ရင်​တော့ ဒီဇာတ်လမ်း​လေးကို ကြည့်ရှု​ပေးကြပါဦး။