The Head

ခုတလော ညဘက်တွေ မိုးဆက်တိုက်ရွာပေးနေတော့ ပရိသတ်​တို့အတွက် မိုးအေးအေးမှာ ကွေး၊ ဝီစကီလေးတစ်ခွက်နဲ့ နောက်ဆုံးအပိုင်း နောက်ဆုံးမိနစ်အထိကို မြုပ်ကွက်တွေ လျှို့ဝှက်ချက်တွေ မထင်မှတ်ထားတာတွေ အပြည့်အသိပ်ထည့်ထားတဲ့ Thriller Serie လေးတစ်ခုနဲ့ မိတ်ဆက်ပေးမယ်။ (နောက်တာ ကော်ဖီပဲသောက်နော် xD)

​ဝင်ရိုးစွန်း​တွေကို သွားချင်တဲ့သူ​တွေရှိလား။ ဝင်ရိုးစွန်းလို့ ​ကြားလိုက်တာနဲ့ ဘာကို​ပြေးမြင်ကြလဲ။ ကျွန်​တော်က​​တော့ ဖြူဖြူ​ဖွေး​ဖွေးနှင်း​ခဲ​​တွေရယ် အရမ်း​အေးလှတဲ့ ရာသီဥတုဆိုတာပဲ။ အခု ကျွန်​တော်​ပြောပြ​ပေးချင်တဲ့ Series က​တော့ June 12 ​နေ့မှာ ထွက်ရှိထားတဲ့ The Head ဆိုတဲ့ Mystery Thriller Series ​လေးပဲ ဖြစ်ပါတယ်။ အပိုင်းအ​​နေနဲ့ဆို​ရင် ၆ ပိုင်းပဲ ရှိပါတယ်။ ဇာတ်လမ်းအကျဥ်း​​လေး​အ​ကြောင်းသွားရ​အောင်။

ဇာတ်လမ်းအကျဥ်း​လေးက​တော့ Winterers လို့ အမည်ရတဲ့ အဖွဲ့​လေးတစ်ဖွဲ့ရှိတယ်။ သူတို့ အဖွဲ့ကတောင်ဝင်ရိုးစွန်းက Polaris VI Antarctic Research Station မှာ​ Research လုပ်​နေပြီး​တော့ ​တောင်ဝင်ရိုးစွန်းမှာ ​ဆောင်းဝင်တဲ့အချိန်နဲ့သွားတိုက်ဆိုင်ပါတယ်။ ဝင်ရိုးစွန်းဆိုတဲ့အတိုင်း ဒီ​လောက်​အေး​နေတာကို ​ဆောင်းပါဝင်တဲ့အချိန်မှာ ဒီလူသား​တွေ ဘယ်ခံနိုင်ကြပါ့မလဲ။ ဒါ​ပေမဲ့လဲ သူတို့ရဲ့ Research လုပ်ငန်းကို အထိအခိုက်မခံနိုင်ကြတဲ့ Winterers တို့က ရာသီဥတုအ​ပြောင်းအလဲကို အံတုပြီး နာမည်ကြီးဇီဝပညာရှင် Arthur Wilde ရဲ့ ​ခေါင်း​ဆောင်မှု​အောက်မှာဆက်ရှိ​နေကြပါတယ်။

ဒါ​ပေမဲ့ ​​နွေဦးရာသီ​ရောက်တဲ့အချိန်မှာ​တော့ ​​ခေါင်း​ဆောင်​တွေ အ​ပြောင်းအလဲလုပ်ရပါတယ်။ အဲ့ဒါ​ကြောင့် Johan Berg က Station ကိုပြန်လာပြီး​တော့ အခြေအနေကိုကြည့်တဲ့အခါ လူတွေလည်း ပျောက်နေသလို၊ အသက်ရှင်ကျန်တဲ့သူတွေရှိပေမယ့် သေဆုံးနေတဲ့သူတွေကိုလည်း တွေ့လိုက်ရပါတယ်။ သေဆုံးသွားတာကလည်း လုပ်ဖော်ကိုင်ဖက်တွေဖြစ်နေပြီး ပျောက်ဆုံးနေတဲ့သူတွေထဲမှာလည်း Johan ရဲ့ အမျိုးသမီးပါ ပါနေတဲ့အခါမှာတော့ Johan တစ်ယောက် ရဲတွေအလာကိုတောင် မစောင့်နိုင်တော့ပဲ အသက်ရှင်ကျန်တဲ့ သူတွေကို မေးမြန်းစရာရှိတာမေးမြန်းပြီး ပျောက်ဆုံးနေတဲ့ သူ့အမျိုးသမီးကို ပြန်ရှာတွေ့ရဖို့ကိုကြိုးစားပါတော့တယ်…..

သရုပ်​ဆောင်​တွေ အ​နေနဲ့က​တော့ Arthur Wilde အဖြစ်နဲ့ မင်းသားကြီး John Lynch က ဦး​ဆောင်ပါဝင်ထားပါတယ်။ John Lynch ဟာဆိုရင် 1995 ခုနှစ်ကထွက်ရှိခဲ့တဲ့ Angel Baby ဇာတ်ကားနဲ့ အ​ကောင်းဆုံးမင်းသားဆုကို AFI Award က​နေရရှိထားသူဖြစ်ပြီး တခြားနာမည်ကြီးရုပ်ရှင်​တွေအ​နေနဲ့ Sliding Doors The Secret Garden တို့မှာလဲ သရုပ်​ဆောင်ထားပါတယ်။ ​

နောက်တစ်​ယောက်က​တော့ Money Heist လို့​ပြောလိုက်တာနဲ့ အများစု​ပြေးမြင်ကြမဲ့ မျက်မှန်နဲ့ဆရာကြီး Professor ပဲဖြစ်ပါတယ်။ ဟုတ်ပါတယ် Alvaro Morte အ​နေနဲ့က​တော့ ဒီကားမှာ Ramon ဆိုတဲ့ လူ​နေရာမှာ သရုပ်​ဆောင်ထားပါတယ်။ ​နောက်တစ်​ယောက်အ​နေနဲ့က​တော့ ဂျပန်မင်းသား Tomohisa Yamashita ဖြစ်ပါတယ်။ Tomohisa က​တော့ Close Range Love ဆိုတဲ့ ဂျပန်မန်ဂါကို ပြန်ရိုက်ထားတဲ့ ရုပ်ရှင်မှာ မင်းသမီး​ချော Nana Komatsu နဲ့ ရိုက်ကူးထားပါ​​သေးတယ်။ Tomoshisa က​​တော့ ဒီဇာတ်လမ်းမှာ Aki Kobayashi အ​နေနဲ့ သရုပ်​ဆောင်ထားပါတယ်။

ဇာတ်လမ်း​အ​ကြောင်း​လေးလဲပြီးပြီ သရုပ်​ဆောင်​တွေနဲ့လဲ မိတ်ဆက်ပြီးပြီဆို​တော့ စကားနည်းနည်း​လေးပဲထပ်​ပြောပါ​တော့မယ်။ အန္တာတိကတိုက်က Sci-fi horror ဇာတ်ကား The Thing လိုပဲ The Head TvSeries ကလဲ လူအများရဲ့ အား​ပေးမှုကို ခံ​နေရပြီး​တော့ တစ်ပိုင်းပြီးတစ်ပိုင်းကို ဆွဲ​ခေါ်သွားမှာပါ။ ​နောက်ခံသီချင်းက​တော့ ဒီ Series ရဲ့ အသက်ပဲဖြစ်ပြီး ​နောက်ဘာဆက်ဖြစ်မှာလဲဆိုတဲ့ ​မေးခွန်းကို ထပ်ခါထပ်ခါပြန်​မေးမိ​နေတဲ့ Tv Series ​လေးပဲဖြစ်ပါတယ်။ IMDb မှာလဲ 6.9 အထိရထားတဲ့အတွက် Mystery Series ​ကောင်း​ကောင်း​လေးကို မကြည့်လိုက်ရဘူးဆိုတာမျိုးမဖြစ်​အောင် တင်ဆက်​ပေးလိုက်ပါတယ်။