Weathering With You ( 2019 )
Other Name-(Japanese: 天気の子, Hepburn: Tenki no Ko, lit. “Child of Weather”)
==========================
ကဲဗျာ Your Name ရဲ့ ရိုက်ကူးသူဖြစ်တဲ့ မာကိုတို နစ်ဆု ကိုယ်တိုင်ရိုက်ကူးထားတဲ့ စိတ်ကူးယဉ်ဆန် အချစ်ဇာတ်လမ်းလေး ထပ်ပြီးတော့လာပြန်ပါပြီ။
ဇာတ်လမ်းလေးကတော့…
အထက်တန်းကျောင်းသားလေးဖြစ်တဲ့ ဟိုဒါကာ မိုရီရှီမာ ဆိုတဲ့ကောင်လေးဟာ သူရဲ့မွေးရပ်မြေဖြစ်တဲ့ တောအရပ်ကလေးကနေ ထွက်ပြေးလာပြီးတော့ တိုကျိုမှာအလုပ်လုပ်မယ့် အစီအစဉ်နဲ့ရောက်လာပါတယ်… အဲဒီအချိန်မှာ တိုကျိုဟာ မိုးများဆက်တိုက်ရွာသွန်းနေပြီးတော့ အလုပ်အကိုင်များအတွက်ခက်ခဲနေတဲ့ အချိန်တစ်ခုဖြစ်နေပါတော့တယ်… သူဟာအလုပ်လိုက်ရှာနေရင်းနဲ့ ဟီနာ ဆိုတဲ့ မက်ဒိုနယ် မှာအလုပ်လုပ်တဲ့ကောင်မလေးဟာ သူ့ကို ညစာစားဖို့ မုန့်လေးတစ်ခု အလကားပေးလိုက်ပါတယ်… အဲဒီနောက်မှာ ဟိုဒါကာ ဟာ အလုပ်တစ်ခုမှာလုပ်ဖြစ်သွားပြီးတော့ သူဟာတိုကျိုမှာဆက်ပြီးတော့ နေထိုင်နေပါတော့တယ် ။
နောက်ပိုင်းမှာ တိုကျိုမြို့ကြီးရဲ့မိုးရွာသွန်းမှုဟာ သမရိုးကျ ရာသီဥတုပြောင်းလဲမှုကြောင့်မဟုတ်ပဲ အယူဝါဒတစ်ခုနဲ့ သက်ဆိုင်နေတယ်ဆိုပြီးတော့ အင်တာနက်မှာ သတင်းပြန့်ခဲ့ပါတယ်။ ထို့အပြင် မိုးပေါ်က ငါးများ ကျလာတာတို့ အခြားသောအရာများ ပါဝင်လာတာတို့လည်း ထူးဆန်းစွာတွေ့ရပါတယ်။ အဲဒီနောက်တစ်နေ့မှာ ဟိုဒါကာ ဟာ ဟီနာဆိုတဲ့ကောင်မလေးကိုတွေ့ဖြစ်ပြီး အဲဒီကောင်မလေးမှာ မိုးကိုတားနိုင်တဲ့ အစွမ်းရှိနေတာကိုထူးထူးခြားခြားသိလိုက်ရပါတယ်…
အဲဒီတော ဟီနာဆိုတဲ့ကောင်မလေး ကဘယ်သူများလဲ .. သူဟာ အဲဒီလိုရာသီဥတုပြောင်းလဲမှုနဲ့ ဘယ်လိုများသက်ဆိုင်နေလဲ နောက်ပိုင်းမှာ ဟီနာက အဲဒီလိုလုပ်နိုင်တာကြောင့် အနစ်နာခံရမှာတွေက ဘာတွေဖြစ်မလဲ…. ဟီနာနဲ့ ဟိုဒါကာ ရဲ့အချစ်ဇာတ်လမ်းလေး ဘယ်လိုဖြစ်မလဲဆိုတာကို….
Leave a Reply