Damascus Time (2018)

(App member only)

မြန်မာပြည်က ကကြီးဖန်တွေက ကျနော် ရုပ်ရှင် Rating တစ်ခုရေးရမှာ အီရန်ကို အာရှမှာ ဂျပန်ပြီးရင် ဒုတိယနေရာကထားလို့ ပေါက်ကွဲကြသေးတယ်။
အင်းပေါ့လေ အီရန်ရုပ်ရှင်တွေရဲ့ သမိုင်းကြောင်းတွေ။လက်ရှိခေတ်ရုပ်ရှင်တွေ မကြည့်ဖူးကြတော့ ဘယ်သိကြမလဲ လို့ပဲ တွေးမိလိုက်ပါတယ်။
အီရန်ရဲ့လက်ရှိခေတ်ဒါရိုက်တာတွေ ရိုက်တဲ့ ရုပ်ရှင်တွေဟာ ပြောမယ်ဆို လူ့သဘာဝကို ရိုက်ပြရမှာ နိုင်နင်းပီပြင်လွန်းလှလို့ ကြည့်ရင်းတောင်
လက်ဖျားခါရပါတယ်။ဇာတ်ကောင်အနေနဲ့ ကြည့်မလား။နောက် ဇာတ်ညွှန်းသွားကို ကိုယ်နားလည်သလောက် လိုက်ကြည့်မလား။
အီရန်ဘက်က ရုပ်ရှင်အနုပညာအပေါ်ကို ခင်ဗျားတို့ လုံးဝဩချသွားရပါ့မယ်။ဆိုတော့ အဲလိုတိုင်းပြည်မျိုးက အက်ရှင်ရုပ်ရှင်ကားဆိုပြီး
ထွက်လာတော့လည်း လက်ဖျားခါရတာပါပဲ။

2018က ထွက်တဲ့ ဒီရုပ်ရှင်ဆိုရင် ဆီးရီးယားစစ်ပွဲတွေကို အ‌ခြေခံရိုက်ကူးတဲ့ ဇာတ်ကားဖြစ်ပါတယ်။ဆီးရီးယားမှာ ပိတ်မိနေတဲ့ ပြည်သူတွေကို ISIS တွေ
လက်ထဲကနေ ကယ်တင်ဖို့ ကြိုးစားကြတဲ့ အီရန်က လေယာဉ်မှူးသားအဖနှစ်ယောက်ဟာ ထင်သလို ဖြစ်မလာခဲ့ပါဘူး။လေယာဉ်တစ်စီးပေါ်ကို မြို့သူမြို့သားတွေ
ရာဇဝတ်သားအချို့ကိုပါ ကယ်တင်ပြီး မောင်းနှင်ပေးရာကနေ ဖြစ်ပေါ်လာတဲ့ အခြေအနေတွေကို တင်ဆက်ထားတာဖြစ်ပါတယ်။အီရန်ကဒါရိုက်တာလက်ရာဆိုတော့
အက်ရှင်ဖလင်မှာတောင် လှပတဲ့ရိုက်ချက်တွေကို ရှု့စားရပါတယ်။တိုက်ပွဲတွေကြားထဲက လေယာဉ်ကြီးကို ရိုက်ပြတဲ့ ညရှုခင်းတွေမှာ သာနေတဲ့
လရောင်တွေကိုပါ ထည့်သွင်းရိုက်ပြတာမျိုးတွေ။ညခင်းကာလက အေးချမ်းလှပနေပေမဲ့ အောက်မှာတော့ လူသားများရဲ့ ဒေါသတွေကြောင့် အကျည်းတန်နေတဲ့
စိတ်ခံစားမှုတွေ ဖြစ်လာရတာမျိုးပေါ့။ပြီးတော့ လူ့စရိုက်တွေကို ဘာမှမထိန်ချန်ပဲ ရိုက်ပြတာတွေဟာ အီရန်ရဲ့ အနုပညာမြင့်မားမှုကို မြင်ရနိုင်တယ်။

ဆိုကြပါစို့ ဒီထဲမှာဆိုရင် ဘာသာရေးအစွန်းရောက် အကြမ်းဖက်သမားတွေကို အဓိကမြင်ရတယ်။ကယ်တင်သူ။ရန်သူကို တိုက်ခိုက်တွန်းလှန်ကြသူ။
အပြစ်မဲ့ပြည်သူကို တိုက်ခိုက်သ*တ်ဖြတ်နေကြသူ စလို့ ဒီထဲက ကွဲပြားသောခံယူချက်တွေနဲ့ ခရီးဆက်နေကြသူတွေဟာ အစ္စလာမ်ဘာသာတရားကို
သက်ဝင်ယုံကြည်နေကြသူတွေချည်းပဲ။သို့ပေတဲ့လည်း ဘာသာတရားရဲ့ အဆီအနှစ်နဲ့ရင်းမြစ်ကို ထုတ်ယူကိုးကွယ်ပုံခြင်းကွာခြားတဲ့အခါ သက်ဆိုင်တဲ့
ဘာသာတရားအသီးသီးအသသတွေဟာ လူသားများရဲ့ ရှိရင်းစွဲဆိုးယုတ်တဲ့ဗီဇစရိုက်များရှင်သန်ပုံနဲ့အညီ ကွဲပြားစွာ အသုံးချခံ ဖြစ်ကုန်ကြရတယ်။
ကျနော်တို့ဆီမှာလည်း ဘာသာတရားရဲ့ အကြီးအကဲလို့ ခံယူထားကြသူတွေဟာလည်း ဒီထဲက အကြမ်းဖက် အစွန်းရောက်သမားတွေရဲ့ လေသံနဲ့
ထူးမခြားနားပဲ မဟုတ်လား။မိမိတို့ ဘာသာတရား ရှင်သန် သန့်စင်ဖို့အတွက် ဒီအုပ်စုတွေ။ဒီပါတီတွေက ဆူးလှည်းလို အရာတွေဆိုတဲ့ ဒေါသစကားတွေနဲ့ပဲ
သွေးထိုးလှုံ့ဆော်ပေးရင်း သူတို့ရဲ့နေရာပပျောက်မှု ပျက်စီးသွားမှာကို ကာဖေးဖို့ ကြိုးစားကြတဲ့အခါမှာ ရှိရင်းစွဲ ဘာသာတရားရဲ့ အနှစ်သာရ လမ်းကြောင်းဟာ
ပျက်စီးသွားခဲ့ပြီး အပြစ်မဲ့ပြည်သူတွေ။လူသား‌တွေမှာပဲ အကြောင်းမဲ့ သေကြေပျက်စီးနေရတာကို လက်ရှိမှာ မြင်တွေ့နေကြရမှာပါပဲ။
ယခု ရုပ်ရှင်ထဲက ဘာသာရေးအစွန်းရောက်အကြမ်းဖက်သမားတွေ ပြန်ပေးဆွဲတာ ခံလိုက်ရတဲ့ ခရီးသည်တင်လေယာဉ်ကြီးဟာ မြန်မာပြည်ကြီးဆိူရင်
တော်လှန်နေကြသူ‌တွေက လေယာဉ်မှူးတွေပါပဲ လေယာဉ်ထဲမှာ ငိုချင်းချ ခလောက်ဆန်နေကြရတဲ့ ခရီးသည်ပြည်သူတွေကတော့ ထုံးစံအတိုင်း
သနားရင်နာဖွယ် စတေးခံကြရတဲ့ အပြစ်မဲ့မြေစာပင်သားကောင်တွေလို့ပဲ ဆိုကြပါတော့လေ။

အီရန်က လေယာဉ်မှူးသားအဖကတော့ ဘာသာတရားရဲ့ အဆုံးအမကို ရို့ကျိုးစွာ ခံယူရင်း သူတို့တတ်နိုင်စွမ်းရှိသလောက် လူသားတွေကို ကယ်ထုတ်ဖို့
ကြိုးစားနေချိန်မှာ အကြမ်းဖက်သမားတွေကတော့ ဘုရားအရှင်ရဲ့အလိုတော်အရ လမ်းစဉ်နဲ့ မသင့်မြတ်သူတွေကို ရှင်းလင်းတာ ဖြစ်ကြောင်း တွင်တွင်အော်ပြီး
ယခုရုပ်ရှင်ထဲမှာ အစ္စလာမ်ဘာသာဝင် အပြစ်မဲ့ပြည်သူတွေအပေါ်ကိုပဲ ဖိနှိပ်ရက်စက်ကြပုံတွေကို ရှင်းလင်းစွာ ချဉ်းကပ်ပြဆိုထားတာ ဖြစ်ပါတယ်။

အီရန်ရုပ်ရှင်ပေမဲ့လည်း အင်မတန်မှ ပီပြင်လှတဲ့ အထူးပြုလုပ်ချက်အကောင်းစားတွေနဲ့အတူ သတိချပ်သင်ခန်းစာယူစရာ ဒိုင်ယာလောဂ့်တွေနဲ့ အမိုက်စား
တင်ပြမှုတွေကို တစ်လုံးတစ်ဝ မြင်ရနိုင်တဲ့ အီရန်ရုပ်ရှင်ကားကောင်းတကားလို့ပဲ ဆိုရပါ့မယ်။ဘာလို့လဲဆိုတော့ သူရိုဆီက ဖြစ်ပျက်ခံစားနေကြရတဲ့
အနာတွေကို ပကတိ ပြဆိုပေးကြလို့ပါပဲ။အနုပညာ ဖန်တီးမှုမှာ ဘယ်အရာကိုမှ ဩဇာခံနေစရာ အကြောင်းမှ မရှိတာပဲ ဆိုတော့လေ။

#E
#International Movie News – IMN

Review – International Movie News – IMN
File Size – 1GB,2GB
Format…mp4
Quality :1080p WED-DL,720p WED-DL
Subtitle : Myanmar Subtitle (Hard Sub)
Translated by Phyu Sin
Encoded by Arrow
====================================================================================

App ေဒါင္းရန္

App Link

TV  Version app link

မန်ဘာဝင်လိုသူများ
viber – 09691177142