မိခင်တွေဆိုတာ မိမိရဲ့ရင်သွေး ဘယ်အခြေအနေပဲရောက်ရောက် မေတ္တာမပျက်တတ်ကြပါဘူး
2019 မှာထွက်ရှိခဲ့တဲ့ ဒီဗီယက်နမ်ရုပ်ရှင်လေးကတော့ autism ဖြစ်နေတဲ့ကလေးငယ်လေးတစ်ယောက်နဲ့
သူရဲ့မိခင်တို့ကြားက နွေးထွေးတဲ့မေတ္တာကိုဖော်ကျူးထားတာပဲဖြစ်ပါတယ်
ခင်ပွန်းဆုံးပါးပြီးတဲ့နောက်မှာ တယ်ရ်ဟာ အလုပ်ကြမ်းမျိုးစုံလုပ်ပြီး
သားငယ်လေးကို ပြုစုပျိုးထောင်ခဲ့ပါတယ် သူမရဲ့သား တင်မ်ကိုသာမာန်ကလေးတွေလိုပဲယူဆပြီး
ကျောင်းထားခဲ့ပါတယ် ဒါပေမဲ့ တင်မ်ဟာ သူ့အမေရဲ့နာမည် ” တယ်ရ် ” ဆိုတဲ့
စကားလုံးကလွဲရင် ဘာမှမပြောတတ်ရှာပါဘူး
ဒါကြောင့် တင်မ်ကျောင်းထွက်ခဲ့ရပါတယ် ထူးခြားတာတစ်ခုကတော့ တင်မ်ဟာ
ပုံမှန်ဆိုရင် ဘယ်လိုအပြုအမူမျိုးကိုမှ တုံ့ပြန်လေ့မရှိပေမယ့်
ရုပ်မြင်သံကြားကလာတဲ့ Magical Dance Show ကိုတော့ ကြိုက်နှစ်သက်တဲ့ပုံပေါ်ပါတယ်
သူမရဲ့သားဟာ autism ဖြစ်နေတယ်ဆိုတာသိသွားတဲ့နောက်မှာတော့
တယ်ရ်တစ်ယောက် ဘယ်လိုများရှေ့ဆက်မလဲ သားငယ်လေးကို
ဘယ်လိုပြုစုပျိုးထောင်မလဲ စိန်ခေါ်မှုတွေကိုအတူတူ ဘယ်လိုရင်ဆိုင်မလဲဆိုတာကြည့်ရင်း
မိခင်မေတ္တာကိုလည်း အပြည့်အဝ ခံစားရမယ့် ဇာတ်ကားကောင်းလေးတစ်ကားပါ
Leave a Reply